أحدث الصور
السلام عليكم ورحمة الله
اليوم ان شاء الله هقدملكم القطايف السورية
طبعا هى تفرق عن القطايف المصرية انها نية مش مقلية فى الزيت واعتقد ان مدينة حلب مشهورة بالأكلة دى (فرج الله عن سوريا واهل سوريا)
بس يمكن اللى يفرق ان اهل سوريا بيحطو دقيق سميد على عجينة القطايف وانا محطتش
اول شىء مقادير عجينة القطايف:
2 كوب دقيق ابيض
2 كوب ماء دافىء
2 ملعقة كبيرة سكر
نصف ملعقة صغيرة خمية فورية
نصف ملعقة صغيرة بيكنج بودر
ذرة ملح
مقادير القشطة:
علبة قشطة بوك(170 جرام)
2 كوب لبن حليب بارد
3 ملعقة كبيرة نشا
ملعقة صغيرة فانيليا(وممكن استبدالها بماء ورد)
وللتزيين:
بندق مجروش
عسل نحل
اولا هنعمل عجينة القطايف
فى بولا هنحط الدقيق والبيكنج بودر وذرة الملح
قطايف سورية من مطبخ الشيف مونى
وفى بولا تانية هنحط الخميرة والسكر والمياه مع بعض ونخلطهم ونضيفهم على خليط الدقيق
قطايف سورية من مطبخ الشيف مونى
ونخلطهم كويس جدا بالمضرب اليدوى(الويسلك)او الخلاط اليدوى الكهربائى لغاية مانتأكد ان مفيش اى كلاكيع فى العجينة
قطايف سورية من مطبخ الشيف مونى
نغطى العجينة ونسيبها تختمر لمدة ساعة فى مكان دافى
ونبدأ نجهز القشطة
دى صورة لمكونات القشطة
قطايف سورية من مطبخ الشيف مونى
هنحط الفانيليا والنشا على اللبن
قطايف سورية من مطبخ الشيف مونى
هنقلبهم كويس جدا قبل مانحطهم على النار لغاية ماالنشا تدوب فى اللبن وهنحطهم على النار ونقلبهم لغاية ماالخليط يتكاثف ولما نطفى النار نحط عليهم علبة القشطة
قطايف سورية من مطبخ الشيف مونى
ونقلبهم كويس لغاية ماكل المكونات تتجانس
قطايف سورية من مطبخ الشيف مونى
هنحط القشطة فى التلاجة لغاية مانحضر القطايف
نرجع تانى لعجينة القطايف
بالنسبة لسواء عجينة القطايف طبعا لازم مقلاة غير لاصقة
وفيه ناس بيحطو العجينة فى المقلاة بالملعقة وفيه ناس بالقمع البلاستيك بس انا وجدت احسن حاجة واسهلها هو ابريق الشاى
هنملا ابريق الشاى بالعجينة ونغطيه طبعا
قطايف سورية من مطبخ الشيف مونى
هنسخن المقلاة على النار قبل ماننزل عليها عجينة القطايف
قطايف سورية من مطبخ الشيف مونى
طبعا هى مش بتاخد وقت خالص على النار لما تدخل فى السواء هتعمل فقاقيع زى الصورة كده احنا ماشيين صح والعجينة مختمرة
قطايف سورية من مطبخ الشيف مونى
هنشكل العجينة هنقفلها عادى زى مابنحشيها ونقليها فى الزيت بس الفرق المرة دى هنقفلها وهى فاضيه وهنسيب ربعها مفتوح
ده شكلهم بعد ماقفلتهم قبل ماأحشيهم بالقشطة
قطايف سورية من مطبخ الشيف مونى
وده شكل الطبق النهائى بعد ماحشتهم بالقشطة وحطيت عليهم البندق المجروش وعسل النحل
قطايف سورية من مطبخ الشيف مونى
قطايف سورية من مطبخ الشيف مونى
قطايف سورية من مطبخ الشيف مونى
قطايف سورية من مطبخ الشيف مونى
